மூட நெஞ்சே கேள்!
இறைவாக்கு: யோவான் 13:29.
- யூதாஸ் பணப்பையை வைத்துக்கொண்டிருந்தபடியினால், அவன் போய், பண்டிகைக்குத் தேவையானவைகளைக் கொள்ளும்படிக்காவது, தரித்திரருக்கு ஏதாகிலும் கொடுக்கும்படிக்காவது, இயேசு அவனுடனே சொல்லியிருப்பார் என்று சிலர் நினைத்தார்கள்.
இறையறிவு:
இறைப்பணி என்பது பேசுதல் தானா?
இல்லா ஏழை எளியருக்கிரங்கு.
முறைப்படி நானும் செய்கின்றேனா?
மூடநெஞ்சே, பணிந்து கறங்கு.
அறையக் கொடுத்தவன் கையில் அன்று
ஆண்டவர் காசு இருந்ததை எண்ணு.
குறையறத் திருப்பணி செய்வேன் என்று,
கொடுத்து ஏழைக்குதவி பண்ணு!
ஆமென்.
-கெர்சோம் செல்லையா.