The Truth Will Make You Free
இரண்டாம் அதிசயம்!
நற்செய்தி: யோவான் 4:51-54.
நல்வழி:
எப்பொழுதாயினும், எவ்விடமாயினும்,
இயேசுவின் வாக்கு நிறைவேறும்.
அப்பொழுதங்கே அளித்தது எனினும்,
அடியருக்கின்று மகிழ்வூறும்.
இப்படியாக நடைபெறுமதிசயம்,
எண்ணிப் பார்ப்போம், நீர் வாரும்.
முப்பொருளுணர்ந்து, முதிச்சியடைந்து,
மும்மை தெய்வப் புகழ்கூறும்!
ஆமென்.
-கெர்சோம் செல்லையா.
பார்க்கின்றார்!
நற்செய்தி: யோவான் 4:46-50.46.
பின்பு, இயேசு தாம் தண்ணீரைத் திராட்சரசமாக்கின கலிலேயாவிலுள்ள கானா ஊருக்கு மறுபடியும் வந்தார்; அப்பொழுது கப்பர்நகூமிலே ராஜாவின் மனுஷரில் ஒருவனுடைய குமாரன் வியாதியாயிருந்தான்.47. இயேசு யூதேயாவிலிருந்து கலிலேயாவுக்கு வந்தாரென்று அந்த மனுஷன் கேள்விப்பட்டபோது, அவரிடத்திற்குப் போய், தன் மகன் மரண அவஸ்தையாயிருந்தபடியினாலே, அவனைக் குணமாக்கும்படிக்கு வரவேண்டுமென்று அவரை வேண்டிக்கொண்டான்.48. அப்பொழுது இயேசு அவனை நோக்கி: நீங்கள் அடையாளங்களையும் அற்புதங்களையும் காணாவிட்டால் விசுவாசிக்கமாட்டீர்கள் என்றார்.49. அதற்கு ராஜாவின் மனுஷன்: ஆண்டவரே, என் பிள்ளை சாகிறதற்குமுன்னே வரவேண்டும் என்றான்.50. இயேசு அவனை நோக்கி: நீ போகலாம், உன் குமாரன் பிழைத்திருக்கிறான் என்றார். அந்த மனுஷன், இயேசு சொன்ன வார்த்தையை நம்பிப் போனான்.
நல்வழி:
பற்றறிவோடும் பார்க்கின்றார்;
பட்டறிவோடும் பார்க்கின்றார்.
சிற்றறிவோடும் பார்க்கின்றார்;
சிறப்பறிவோடும் பார்க்கின்றார்
உற்றவராகியும் பார்க்கின்றார்.
உணராதவரும் பார்க்கின்றார்.
எற்றிசையாரும் பார்க்கின்றார்.
ஏசுவில் அதிசயம் பார்க்கின்றார்!
ஆமென்.
-கெர்சோம் செல்லையா.
இரக்கம் உருக்கம் இல்லாதாரே,
இங்கே தலைவர் ஆகின்றார்.
அரக்கர் அரக்கி என்கின்றாரே;
அவரால் எளியர் சாகின்றார்.
உறக்கம் ஓய்வு உண்ணாதாரே,
உழவர் வடிவில் நோகின்றார்.
மறக்கும் மக்கள் மதி கெட்டாரே;
மடையர் அழியப் போகின்றார்!
-கெர்சோம் செல்லையா.
பார்ப்பவரே!
நற்செய்தி: யோவான் 4:45.
நல்வழி:
பார்ப்பவர் பார்ப்பதைச் சொல்லுங்கள்.
பலபேர் பார்க்க இது உதவும்.
சேர்ப்பவர் பகிர்ந்திடச் செல்லுங்கள்.
சிலபேர்க்கேனும் அது உதவும்.
தோற்பவர் மீளவும் நில்லுங்கள்.
தோல்வி ஆளவே தீதுதவும்.
ஏற்பவர் யாவரும் வெல்லுங்கள்.
இறையின் அன்புத் தூதுதவும்!
ஆமென்.
-கெர்சோம் செல்லையா.
யோவான்4: 43-44
ஊர் ஒதுக்கும், உறவொதுக்கும்,
உடன் பிறப்பும் நமை ஒதுக்கும்;
பேர் சிறந்தோர் என்றழைக்கும்,
பெருமை வருமுன் ஒதுக்கும்.
யார் ஒதுக்கிக் கை விடினும்,
இறையுண்டு, அவர் ஒதுக்கார்.
நேர் கோடே எளிதிணைக்கும்;
நினைத்து வழி இனி புதுக்கும்!
அடியரா? ஆண்டவரா?
நற்செய்தி: யோவான் 4:41-42. 41.
அப்பொழுது அவருடைய உபதேசத்தினிமித்தம் இன்னும் அநேகம்பேர் விசுவாசித்து,42. அந்த ஸ்திரீயை நோக்கி: உன் சொல்லினிமித்தம் அல்ல, அவருடைய உபதேசத்தை நாங்களே கேட்டு, அவர் மெய்யாய்க் கிறிஸ்துவாகிய உலகரட்சகர் என்று அறிந்து விசுவாசிக்கிறோம் என்றார்கள்.
நல்வழி:
வாக்குரைக்கும் அடியருக்கு,
வழங்குகின்ற மதிப்பை,
ஆக்குகின்ற இறைவனுக்கு,
அளிப்பாயா மனிதா?
தூக்கியுன்னை உயர்த்துகின்ற,
தூயவரின் கரத்தை,
போக்குரைத்து உதறுவது,
போதாதோ? இனி வா!
ஆமென்.
-கெர்சோம் செல்லையா.
மனிதம் பிரிக்கும் மடையோரே!
நற்செய்தி: யோவான் 4:39-40.
39. நான் செய்த எல்லாவற்றையும் எனக்குச் சொன்னார் என்று சாட்சி சொன்ன அந்த ஸ்திரீயினுடைய வார்த்தையினிமித்தம் அந்த ஊரிலுள்ள சமாரியரில் அநேகர் அவர்மேல் விசுவாசமுள்ளவர்களானார்கள்.
40. சமாரியர் அவரிடத்தில் வந்து, தங்களிடத்தில் தங்கவேண்டுமென்று அவரை வேண்டிக்கொண்டார்கள்; அவர் இரண்டுநாள் அங்கே தங்கினார்.
நல்வழி:
இரு பத்து நூறு ஆண்டுகள் முன்பு,
யூதரில் இருந்த இனவெறியின்,
மறு பதிப்பென்று சாதியை வைத்து,
மனிதம் பிரிக்கும் மடையோரே,
ஒரு குலமாக இணைவீர் என்று,
இயேசு தருகிற இறையன்பின்,
திருவடி கண்டு, திருந்துவோர்தான்,
தெய்வப் பண்பு உடையோரே!
ஆமென்.
-கெர்சோம் செல்லையா.
நட்டவன் ஒருவன்!
நற்செய்தி : யோவான் 4:36-38.
நல்வாழ்வு:
நட்டவன் ஒருவன் நனைத்தவன் ஒருவன்.
நற்பயன் தருவதோ நம்மிறைவன்.
இட்டவன் ஒருவன் எடுத்தவன் ஒருவன்,
எனினும் தருவான் நல்லிறைவன்.
விட்டவன் ஒருவன், விரும்பின் பெறுவன்,
விடுதலை ஈவதோ நம்மிறைவன்.
கெட்டவன் திருந்தின், கேட்பது பெறுவன்;
கிறித்து அன்பே நல்லிறைவன்!
ஆமென்.
-கெர்சோம் செல்லையா.
அறுவடை மிகுதி!
நற்செய்தி: யோவான் 4:35.
35. அறுப்புக்காலம் வருகிறதற்கு இன்னும் நாலுமாதம் செல்லும் என்று நீங்கள் சொல்லுகிறதில்லையா? இதோ, வயல்நிலங்கள் இப்பொழுதே அறுப்புக்கு விளைந்திருக்கிறதென்று உங்கள் கண்களை ஏறெடுத்துப்பாருங்கள் என்று நான் உங்களுக்குச் சொல்லுகிறேன்.
நல்வழி:
நான்கு திங்கள் அறுக்காது,
நல்விளைச்சல் விடுவாரோ?
தூங்குபவரை ஒறுக்காது,
தொழிலிழந்து கெடுவாரோ?
தேங்கு மந்தம் பொறுக்காது,
திருமறையை எடுப்போமே.
ஏங்குகின்றார் இறைமகனார்;
இன்தொண்டிற்கு நடப்போமே!
ஆமென்.
-கெர்சோம் செல்லையா.
குழப்பம் என்றால் சட்டமா?
குழம்புவது எமக்கு இட்டமா?
விளக்குவீர் இக்கட்டமே!
வேண்டும் நலத் திட்டமே!