ஒரே மந்தை, ஒரே மேய்ப்பன்!
வாக்கு: யோவான் 10:16.
16. இந்தத் தொழுவத்திலுள்ளவைகளல்லாமல் வேறே ஆடுகளும் எனக்கு உண்டு; அவைகளையும் நான் கொண்டுவரவேண்டும், அவைகள் என் சத்தத்துக்குச் செவிகொடுக்கும், அப்பொழுது ஒரே மந்தையும் ஒரே மேய்ப்பனுமாகும்.
வாழ்வு:
தந்தை ஒருவன், பிள்ளைகள் பலபேர்;
தான்மட்டும் பிள்ளை எனலாமா?
மந்தை ஆடுகள் இருப்பிடம் வேறூர்;
மற்றவை கழுதை எனலாமா?
இந்தத் தவறைச் செய்கிற ஊழியர்,
இதுவும் இறைவழி எனலாமா?
சொந்தக் கூட்டைத் திருத்தியமைப்பீர்;
சொற்படி நடப்போம் எனலாமா?
ஆமென்.
-கெர்சோம் செல்லையா.