யாருக்காக அழுகிறோம்?
கிறித்துவின் வாக்கு: லூக்கா 23:27-28.
27 திரள்கூட்டமான ஜனங்களும் அவருக்காகப் புலம்பி அழுகிற ஸ்திரீகளும் அவருக்குப் பின்சென்றார்கள்.28 இயேசு அவர்கள் முகமாய்த் திரும்பி: எருசலேமின் குமாரத்திகளே, நீங்கள் எனக்காக அழாமல், உங்களுக்காகவும் உங்கள் பிள்ளைகளுக்காகவும் அழுங்கள்.
கிறித்துவில் வாழ்வு:
ஆண்டவருக்காய் அழவும் வேண்டாம்;
அவருக்காக அடிக்கவும் வேண்டாம்.
வேண்டற்பெயரில் திட்டவும் வேண்டாம்.
வீதியிலதனைக் கொட்டவும் வேண்டாம்.
மாண்டவரெழும்ப வேண்ட வேண்டும்.
மன்னிக்கின்ற நெஞ்சால் வேண்டும்.
தோண்டத்தோண்ட உருக வேண்டும்.
தூய்மையால்தான் திறக்க வேண்டும்!
ஆமென்.
-கெர்சோம் செல்லையா.