வேறு விருப்பம்!
இறை மொழி: யோவான் 21: 1-3.
1. இவைகளுக்குப்பின்பு இயேசு திபேரியா கடற்கரையிலே மறுபடியும் சீஷருக்குத் தம்மை வெளிப்படுத்தினார்; வெளிப்படுத்தின விவரமாவது:
2. சீமோன்பேதுருவும், திதிமு என்னப்பட்ட தோமாவும், கலிலேயா நாட்டிலுள்ள கானா ஊரானாகிய நாத்தான்வேலும், செபெதேயுவின் குமாரரும், அவருடைய சீஷரில் வேறு இரண்டுபேரும் கூடியிருக்கும்போது,
3. சீமோன்பேதுரு மற்றவர்களை நோக்கி: மீன்பிடிக்கப்போகிறேன் என்றான். அதற்கு அவர்கள்: நாங்களும் உம்முடனேகூட வருகிறோம் என்றார்கள். அவர்கள் புறப்பட்டுப்போய், உடனே படவேறினார்கள். அந்த இராத்திரியிலே அவர்கள் ஒன்றும் பிடிக்கவில்லை.
இறை வழி:
வேறு விருப்பு வெகுண்டு எழும்ப,
விண்ணின் விருப்பு பணிகிறது.
ஆறு அடியர் அது போல் தழும்ப,
ஆண்டவர் நெஞ்சும் குனிகிறது.
நூறு வழிகள் நம் முன் மின்ன,
நேர்வழி மீட்புள் நுழைகிறது.
கூறு நண்பா,உன் விருப்பென்ன?
கிறித்தவ வழி விழைகிறது!
ஆமென்.
