இறைவேண்டல்

நல்வாழ்த்து:

கேட்கும் ஏழையர் பெறுவதற்கு,

கிறித்துவின் அருளைக் கேட்கின்றோம்.

வேட்கை வேறு எதுவுமில்லை.

விருப்பம் உமதே தொழுகின்றோம்.

நாட்கள் வேண்டும் உழைப்பதற்கு;

நம்பி உம்மைப் பணிகின்றோம்!

“பின்னர் இயேசு சீடர்களுடன் கெத்சமனி என்னும் இடத்திற்கு வந்தார். அவர், ‘ நான் அங்கே போய் இறைவனிடம் வேண்டும்வரை இங்கே அமர்ந்திருங்கள் ‘ என்று அவர்களிடம் கூறி, பேதுருவையும் செபதேயுவின் மக்கள் இருவரையும் தம்முடன் கூட்டிச் சென்றார். அப்போது அவர் துயரமும் மனக்கலக்கமும் அடையத் தொடங்கினார்.”

நல்வாழ்வு:

அவற்றை ஆண்டவர் ஒதுக்கிவிட்டு,

தொழுது இறையிடம் கேட்டதெல்லாம்

தொலைந்தோர் மீட்பைக் குறித்தாமே.

விழுந்து வேண்டும் இறைமகனின்

விருப்பை இன்று அறிந்துவிட்டு,

எழுந்து நமக்காய் அழுவதெல்லாம்,

ஏற்றது இல்லை அறிவோமே!

ஆமென்.