The Truth Will Make You Free
விண்ணைக் கண்டோர்!
நற்செய்தி: யோவான் 3:31-33.
நல்வழி:
மண்ணைக் கண்டோர் மண்ணைக் கூட்டின்,
மகிழும் மனிதர் ஏற்றிடலாம்.
விண்ணைக் கண்டோர் விண்ணைக் காட்டின்,
விரும்பா பலபேர் தூற்றிடலாம்.
உண்மைத் தெரியார் உள்ளம் பூட்டின்,
உதவா கதையென மாற்றிடலாம்.
கண்ணைத் திறப்பீர்; கடவுட் ஏட்டின்,
கருவாம் அன்பில் போற்றிடலாம்!
ஆமென்.
-கெர்சோம் செல்லையா.
தாழ்மை!
நற்செய்தி : யோவான் 3:30.
நல்வழி:
வண்டு சுவைத்து, பறக்கின்ற
வாழ்வும், வழியும் கேளேன்.
உண்டு மகிழ்ந்து, மறக்கின்ற
உயர்வும், உலகும் கேளேன்.
தண்டு வடத்தை அறுக்கின்ற,
தலையும், கையும் கேளேன்.
தொண்டு திறந்து பிறக்கின்ற,
தூயன் அடியே கேட்பேன்.
ஆமென்.
-செல்லையா.
நிறைவுதரும் தொண்டு!
நற்செய்தி: யோவான் 3:28-29.
நல்வழி:
எந்தச் செயலைச் செய்தாலும்,
ஈசன் புகழுக்கில்லையெனில்,’
அந்தப் பணியில் மகிழ்வில்லை.
அறியாருக்கும் நிறைவில்லை.
சொந்தப் புகழ்ச்சி விரும்பாமல்,
சொல்லும் செயலும் ஏசு எனில்,
இந்தத் தொண்டில் துயரில்லை.
அடியாருக்கும் குறையில்லை!
ஆமென்.
-செல்லையா.
இறையருளும் இனிமை!
நற்செய்தி 3:27.
27. யோவான் பிரதியுத்தரமாக: பரலோகத்திலிருந்து ஒருவனுக்குக் கொடுக்கப்பட்டாலொழிய, அவன் ஒன்றையும் பெற்றுக்கொள்ளமாட்டான்.
நல்வழி:
இறை அருளும் இனிமை போதும்;
இந்த அறிவை ஏற்க வாரும்.
குறை பொருளை நாடிப் போகும்,
குற்ற நெஞ்சை மீட்கத் தாரும்.
நிறை வாழ்வின் முழுமை காணும்;
நீவிர் தேடா இயேசு பாரும்.
பிறை வளரும் காட்சியாகும்,
பேரரசுள் வந்து சேரும்!
ஆமென்.
-செல்லையா.