வீடற்ற இயேசுவின் விருப்பம்!
கிறித்துவின் வாக்கு: லூக்கா 22:9-13.
9 அதற்கு அவர்கள்: நாங்கள் அதை எங்கே ஆயத்தம்பண்ணும்படி சித்தமாயிருக்கிறீர் என்று கேட்டார்கள்.
10 அதற்கு அவர்: நீங்கள் நகரத்தில் பிரவேசிக்கும்போது, தண்ணீர்க்குடம் சுமந்துவருகிற ஒரு மனுஷன் உங்களுக்கு எதிர்ப்படுவான்; நீங்கள் அவனுக்குப் பின்சென்று, அவன் போகும் வீட்டிற்குள் நீங்களும் போய்,
11 அந்த வீட்டெஜமானை நோக்கி: நான் என் சீஷரோடுகூடப் பஸ்காவைப் புசிக்கிறதற்குத் தகுதியான இடம் எங்கே என்று போதகர் உம்மிடத்தில் கேட்கச் சொன்னார் என்று சொல்லுங்கள்.
12 அவன் கம்பளமுதலானவைகள் விரித்திருக்கிற மேல்வீட்டிலுள்ள ஒரு பெரிய அறையை உங்களுக்குக் காண்பிப்பான்; அங்கே ஆயத்தம்பண்ணுங்கள் என்று சொல்லி அனுப்பினார்.
13 அவர்கள் போய், தங்களிடத்தில் அவர் சொன்னபடியே கண்டு, பஸ்காவை ஆயத்தம்பண்ணினார்கள்.
கிறித்துவில் வாழ்வு:
வீடற்ற இயேசுவின் விருப்பம் அறிந்து,
வீட்டைக் கொடுத்தவரே வாழ்க.
பாடற்ற வாழ்வை, பரிசாய்த் தெரிந்து,
பயன்படா நெஞ்சே, நீ மாள்க.
ஈடற்ற மீட்பை ஈவாய்க் கொடுத்து,
இயேசு வாழ்ந்தார் பலியாக.
கேடற்ற அவரது வாக்கை எடுத்து,
கீழ்ப்படிவேன் என் வழியாக!
ஆமென்.
-செல்லையா.