ஊரார் ஏற்கவில்லை!
கிறித்துவின் வாக்கு: லூக்கா 9:5.5 உங்களை ஏற்றுக்கொள்ளாதவர்கள் எவர்களோ அவர்களுடைய ஊரைவிட்டு நீங்கள் புறப்படும்போது, அவர்களுக்குச் சாட்சியாக உங்கள் கால்களில் படிந்த தூசியை உதறிப்போடுங்கள் என்றார்.
கிறித்துவில் வாழ்வு:
உந்தன் அருளில் உரைக்கும் வாக்கை,
ஊரார் விரும்பி ஏற்கவில்லை.
மைந்தன் வழியில் கிடைக்கும் மீட்பை,
மயங்கும் மாந்தர் பார்க்கவில்லை.
செந்தமிழாகப் பாடிக் கொடுத்தும்,
செய்தி எவரையும் ஈர்க்கவில்லை.
எந்தையே இறையே, யான் தோற்றாலும்,
உந்தன் வாக்கு தோற்பதில்லை!
ஆமென்.