கிறித்துவின் அடியரே!
நற்செய்தி: யோவான் 12:26.
26. ஒருவன் எனக்கு ஊழியஞ்செய்கிறவனானால் என்னைப் பின்பற்றக்கடவன், நான் எங்கே இருக்கிறேனோ அங்கே என் ஊழியக்காரனும் இருப்பான்; ஒருவன் எனக்கு ஊழியஞ்செய்தால் அவனைப் பிதாவானவர் கனம்பண்ணுவார்.
நல்வழி:
கிறித்துவின் பண்பைப் பார்த்துக்கொண்டு,
கிறித்தவராய் நாம் நடந்தோமா?
நெறிமுறை அன்பை வழியெனக்கண்டு,
நித்தம் அன்பில் நடப்போமா?
பிறிதொரு வழிமுறை சேர்க்காதென்று,
பிழைகள் விட்டுக் கடந்தோமா?
அறிவுரை சொல்லல் பிறருக்கன்று;
அதனைப் பிடித்துக் கடப்போமா?
ஆமென்.
-கெர்சோம் செல்லையா.